Жаңалықтар

Logo

✿ 26 қыркүйек күні сағат 09:00-ден 13:00-ге дейін Алматы онкологиялық орталығы гинекологиялық қатерлі ісіктің алдын алуға және ерте анықтауға арналған Ашық есік күнін өткізеді.

Барлық ниет білдірушілерді тегін тексеруден өтуге шақырамыз. Дәрігерге уақытылы қаралу және тұрақты диагностика — әйелдер денсаулығын сақтау мен болашаққа деген сенімділіктің басты кепілі.

➤

Тегін: онколог-гинекологтардың кеңесі, онкоцитологиялық зерттеу және көрсеткіштер бойынша кіші жамбас мүшелерінің УДЗ (УЗИ).

➢

Мекенжайы: Папанин көшесі, 220 «А», 1-қабат.

Тұрақты тексеру өмірді құтқарады!

Күн кенет суытты: суық тию маусымына қалай дайындалуға болады?

Жаздың соңы мен күздің басында ауа райы жиі күрт өзгереді. Ал алда тұмау және басқа да респираторлық инфекциялар жиірек кездесетін маусым келе жатыр. Қазақстанда күзгі-қысқы кезеңде ЖРВИ мен тұмауға шалдығу көрсеткіші артады. Жыл сайынғы маусымдық өсім әдетте қазаннан сәуірге дейін байқалады.

Бөлмені желдетуді ұмытпаңыз: Күн салқындаса да, бөлмені жүйелі түрде желдетіп тұрыңыз. Таза ауа мен жақсы желдету вирус бөлшектерінің шоғырлануын азайтады.

Қолыңызды үнемі жуыңыз: Әсіресе қоғамдық көліктен, дүкеннен кейін. Жуылмаған қолмен көзді, мұрынды және ауызды ұстамауға тырысыңыз.

Респираторлық гигиенаны сақтаңыз: Жөтелгенде немесе түшкіргенде ауыз бен мұрынды майлықпен немесе шынтақтың бүгілген тұсымен жабыңыз.

Ауырып қалсаңыз, үйде болған дұрыс: Бұл ағзаның қалпына келуіне көмектеседі және инфекцияны басқаларға жұқтыру қаупін азайтады.

«Иммунитетті көтерудің ғажайып тәсілін» іздемеңіз: Құнарлы әрі теңгерімді тамақтану, жеткілікті ұйқы және тұрақты дене белсенділігі маңызды рөл атқарады.

Қарапайым шаралар инфекция қаупін азайтуға көмектеседі!

ℹ

Маңызды ақпарат: Бұл материал халықтың медициналық сауаттылығын арттыру мақсатында ақпараттық сипатта дайындалған. Толыққанды алдын алу, соның ішінде уақтылы вакцинациялау — тұмау мен оның асқынуларынан қорғанудың ең тиімді жолы. Аурудың алғашқы белгілері пайда болғанда, дене қызуы көтерілгенде немесе денсаулық нашарлаған жағдайда, өз бетіңізше емделмей, нақты диагноз қою және жеке емдеу жоспарын алу үшін уақтылы №14 Қалалық емхана дәрігеріне жүгінуіңізді сұраймыз.

Бейсенбі — №14 емханада нәрестелер күні

Әр бейсенбі сайын №14 емханада нәрестелердің ата-аналарына арналған нәрестелер күні өткізіледі. Кездесулерде мамандар бала күтімі мен дамуының ең маңызды мәселелері туралы айтады:

➤ қосымша тамақты қашан және қалай дұрыс енгізу керек;
➤ емшекпен емізудің артықшылықтары мен ережелері;
➤ бала денсаулығын қорғаудағы профилактикалық екпелердің рөлі;
➤ баланың жасына қарай психофизикалық дамуы;
➤ ұйқы режимі және салауатты әдеттерді қалыптастыру;

Сабақ барысында ата-аналар өздерін қызықтырған сұрақтарға жауап алып, медицина мамандарынан практикалық ұсыныстар ала алады.

Сіздерді әр бейсенбіде күтеміз!

Бала денсаулығына қамқорлық өмірдің алғашқы күндерінен басталады.

№14 емхана қызметкерлері «Таза Қазақстан» эко-акциясын қолдады

➤

➢

Мекенжайы: Папанин көшесі, 220 «А», 1-қабат.

Тұрақты тексеру өмірді құтқарады!

2026 жылғы 1 және 8 тамызда №14 қалалық емхана қызметкерлері «Таза Қазақстан» республикалық экологиялық акциясына белсенді қатысып, ауқымды сенбілік өткізді.

➤

Ұжымның бірлескен күш-жігерімен біз іргелес аумақты абаттандыруға, тәртіп орнатуға және қоршаған ортаның тазалығын сақтауға өзіміздің маңызды үлесімізді қостық.

Тазалық әрқайсымыздан басталады!